Қойма қорларын басқарудағы есептеу, бақылау және талдау

Аңдатпа

Мақалада логистикалық жүйелердегі қойма қорларын бақылау, талдау және басқару үшін Excel электрондық кестелерін қолдану мүмкіндіктері қарастырылған. Зерттеудің мақсаты – Excel құралдары мен заманауи логистикалық талдау әдістері негізінде қорларды басқару тиімділігін бағалаудың практикалық тәсілдерін әзірлеу және негіздеу. Зерттеудің негізгі бағыттарына қорлардың оңтайлы және орташа деңгейін есептеу, тауар айналымдылығын бағалау, жеткізу қызметінің деңгейін талдау, сондай-ақ тауар топтарын жіктеу үшін ABC және XYZ талдауын пайдалану жатады. Жұмыстың ғылыми маңыздылығы басқарушылық шешімдердің сапасын арттыру мақсатында статистикалық және логистикалық әдістерді кешенді қолдануымен сипатталады. Зерттеу әдістемесі экономикалық-математикалық әдістерді, статистикалық талдауды, вариация, осцилляция, асимметрия және эксцесс коэффициенттерін пайдалануға және нәтижелерді Excel бағдарламасы арқылы визуализациялауға негізделген. Зерттеу нәтижесінде сұраныстың тұрақсыздығын анықтауға, қор тапшылығы мен артық қорлардың тәуекелдерін бағалауға, сондай-ақ қорларды толықтыру үдерістерін оңтайландыруға мүмкіндік беретін әмбебап қорларды талдау моделі әзірленді. Зерттеудің практикалық маңызы ұсынылған модельді қойма логистикасының тиімділігін арттыру, шығындарды азайту және материалдық ағындарды басқару сапасын жақсарту мақсатында қолдану мүмкіндігімен айқындалады.